New Page 1

K.B.N

KEERPUNT BERADINGS NETWERK

K.B.N. Direksie 2005

Frans & Sariet Nortje

Manus en Heila du Toit, Herman en Alta Pretorius, Gerda de Klerk, Ria Brits, Mariette Steyn, Giel Malan,

Keerpunt Beradings Netwerk (KBN) maak ‘n verskil in mense se lewens deur die nuwe D.E.T. Beradingsbeginsels wat toegepas word!

Keerpunt Beradings Netwerk (KBN) is in Januarie 2000 deur Frans en Sariet Nortje gestig.   Hulle doen reeds vir meer as 10 jaar berading en het ondervind dat hul waglys al hoe langer geword het. Soos wat mense genesing begin ontvang het deur hul unieke bediening van Diepvlak Emosionele Terapie (DET), en ander daarvan vertel het, het al hoe meer mense hulp gesoek en moes mense eventueel weggewys word.

Voortspruitend is daar begin om opleiding te verskaf aan persone wat gewillig is om deeltyds 'n tydjie af te staan vir die berading van ander, wie hulp benodig. Praktiese DET Beradings opleiding word dus per klasbywoning en korrespondensie twee keer per jaar aangebied (ses maande per kursus) om potensiële beraders op te lei om DET effektief toe te kan pas en sodoende as beraders in die netwerk opgeneem te word waarna kliënte verwys kan word vir berading en DET. (Sien advertensie in die Erdekruik vir besonderhede).

Daar is ondervind dat daar baie mense is wat emosioneel so aangetas is deur die saamloop van omstandighede, dat daar noodgedwonge ‘n netwerk van beraders in die lewe geroep is om in verskeie geografiese areas te kan bedien, sodat mense nie kilometers agter beraders hoef aan te ry nie. Huidiglik is daar 'n hele aantal KBN Beraders en studente in die netwerk en die netwerk groei steeds.

K B N is gestig as ‘n nie-winsgewende interkerklike organisasie wat op Lukas 4:18 fokus, waar Jesus sê: "Die Gees van die Here is op My, omdat Hy My gesalf het om die evangelie aan die armes te bring. Hy het My gestuur om die wat verbryseld van hart is, te genees; om aan gevangenes vrylating te verkondig en aan blindes herstel van gesig; om die wat gebroke is, in vryheid weg te stuur; om die aangename jaar van die Here aan te kondig."

KBN bied twee keer per jaar huweliksnaweekkampe aan om getroude pare te mobiliseer om voorspoed en vreugde in hul verhouding te ervaar volgens Bybelse beginsels. ‘n Menigte van huwelike is al gered van gewisse egskeiding as gevolg van hierdie naweekkampe wat gewoonlik by oorde in die Bosveld gehou word.

Die organisasie beskik oor ‘n HIV/VIGS kliniek waar persone anoniem kan aanklop vir bloedtoetse en HIV/VIGS berading. Hierdie diens word deur gekwalifiseerde personeel gelewer en die bloedtoetse word deur ‘n geregistreerde patologiese laboratorium uitgevoer en verslae word deur ‘n geregistreerde verpleegkundige aan die kliënt uitgereik.

KBN het ‘n Trauma ondersteuningsgroep wat ten doel het om naasbestaandes van persone met bv. terminale siektes, by te staan. Die groep vergader elke Donderdagaand om 19:00 by KBN-huis te Holihockstraat 568, Doornpoort, en rig hiermee ‘n uitnodiging aan enige persoon wat ondersteuning verlang, om die byeenkomste by te woon.

Dit is die organisasie se toekomsvisie is om die Kerk reg oor Suid Afrika te kan bedien, deur die beskikbaarstelling van opgeleide beraders van verskillende kerke sodat mense die pakkasies van hul verlede kan agter los en hul kan uitstrek na wat hul bediening in hul onderskeie gemeentes is en dit ten volle kan uitleef sonder die struikelblokke van gister.

KBN se direksie het streng riglyne neergelê vir persone wat verbonde is aan die organisasie se beradingsnetwerk en tree as waghond vir hierdie beraders op.   Die organisasie streef daarna om in alle opregtheid en eerlikheid, doelgerig en pligsgetrou sy doelwitte met toewyding na te streef en te bereik, om die gemeenskap met sensitiwiteit, barmhartigheid en bedagsaamheid getrou by te staan en regverdig op te tree teenoor alle partye wat betrokke is by die organisasie en om gehoorsaam te wees en hom te onderwerp aan die Woord van God as die finale gesag.

KBN is ‘n organisasie wat in eenheid met alle instansies en Christene wat die Bybelse lewenswaardes uitleef, wil staan.    KBN se personeel, hetsy voltyds, deeltyds of vrywillig streef daarna om met liefde, blydskap, vrede, vriendelikheid, lankmoedigheid, sagmoedigheid, goedheid, getrouheid en selfbeheersing op te tree.    Die organisasie pak alle sake met gebed en streef daarna om die waarheid deelagtig te wees in alle opsigte, alhoewel geheimhouding geld jeens persone se problematiese omstandighede.

Keerpunt Beradings Netwerk se hoof doelwitte is om Christen gebaseerde emosionele genesing beradingsdiens aan die gemeenskap te bied, Christen gebaseerde voorhuwelikse en huweliks berading en werkswinkels aan te bied, Christen gebaseerde kanker berading te voorsien; Christen gebaseerde VIGS berading te bied, Christen gebaseerde doodsbegeleiding berading te bied, Christen gebaseerde seks onderrig te bied, Christen gebaseerde opleiding en seminare aan te bied in verband met al bogenoemde aspekte en om nie-christene tot bekering en wedergeboorte te lei en hul uit te plaas in gemeentes.

Enige persoon ongeag van sy agtergrond en omstandighede is baie welkom om by KBN aan te klop vir hulp, ondersteuning en opleiding. Daar word geen konsultasie fooie gehef nie en derhalwe maak KBN staat op donasies vanaf persone wat dit wel kan bekostig.

KBN kan gekontak word by die volgende kontaknommers: 082 788 1170 / 012 547 6742 of per epos keerpunt@eject.co.za of internet www.keerpunt.vze.com

KBN se doelwitte is om: / TCN's objectives are to:
Christen gebaseerde emosionele genesing beradingsdiens aan die gemeenskap te bied

Provide a Christian-based emotional healing counseling service to the community at large;

Christen gebaseerde voor-huwelikse en huweliks berading en werkswinkels aan te bied

Provide Christian-based pre-marital and marriage counseling and workshops;

Christen gebaseerde kanker berading te voorsien;

Provide Christian-based cancer counseling;

Christen gebaseerde VIGS berading te bied;

Provide Christian-based AIDS counseling;

Christen gebaseerde doods begeleiding berading te bied;

Provide Christian-based bereavement / guidance counseling;

Christen gebaseerde seks onderrig te bied

Provide Christian-based sex education;

Christen gebaseerde opleiding en seminare aan te bied in verband met al bogenoemde aspekte;

Provide Christian-based training and seminars in relation to all the abovementioned objectives.

Eie of gehuurde eiendom te bekom waarvandaan KBN sal funksioneer om bogenoemde doelwitte te bereik

Acquire either own or hired property to operate from, maintain and support the achievement of the above-mentioned main objectives;

Om fondse te in om sodoende die organisasie as 'n onafhanklike entiteit te onderhou met voltydse, deeltydse en vrywillige Christen beraders en assistente;

To raise funds to sustain the organization as a financially independent entity, with full time, part time and voluntary Christian counselors and assistants;