New Page 1

Wanneer ons kyk na die geskiedenis van oorlogvoering en selfs in Bybelse tye, is daar altyd verspreiders uitgestuur om die vyand te leer ken, sy tegnieke, motiewe, krag en wapens in die fynste detail te dokumenteer sodat daar ‘n teen-aksie en teenaanslag op die vyand kan wees om sodoende te voorsien dat die vyand nie die land kan inneem en dit verslaan en hy daardie land sy vesting maak nie. Daarom is dit vir ons as beraders nodig om die duiwel en sy demone se planne en werking te ken en ook te weet watter krag ons in die Bloed van Jesus het.

2. Waarom val so baie mense terug na bekering? Na Bo

Ongeveer 50% van alle mense wat tot bekering kom val terug a.g.v.

i. Emosionele probleme a.g.v. die verlede.

ii. Demoniese bindings en okkultiese verledes.

3. Begryp die drie dimensies van die mens. Na Bo

GEES - Wedergebore by bekering (Onmiddellik). In wese is jy gees dit is die dimensie wat aan jou lewe gee.

SIEL - WIL, EMOSIE, DENKE en INTELLEK. Fil 3:14 “¹⁴Maar een ding: ek vergeet die dinge wat agter is en strek my uit na wat voor is, en jaag na die doel om die prys te verkry van die hoë roeping van God in Christus Jesus.”, 2 Kor 4:16 “¹⁶DAAROM gee ons nie moed op nie, maar al vergaan ons uiterlike mens ook, nogtans word die innerlike mens dag ná dag vernuwe.” Word vernuwe na wedergeboorte met samewerking van die persoon as ‘n keuse. (Dit is nie ‘n outomatiese aksie nie, maar ‘n keuse om genesing te ontvang)

Oorlogvoering vind hoofsaaklik hier plaas.

Die siel is die beheerkamer van jou gees en jou liggaam. As die vyand toegang het tot jou siel, kan hy jou gees en jou liggaam beheer.

LIGGAAM - Ontvang genesing (tydelike tentwoning). God het ons so lief dat hy selfs ons tydelike tentwoning wil herstel. Duiwel kan selfs jou liggaam aantas met siektes soos kanker ens. Die liggaam, net soos die siel word nie onmiddellik herstel na bekering nie, as jy ‘n gebreekte been het en jy kom tot bekering gaan die gebreekte been nie ewe skielik genees wees direk na jou bekering nie.

4. Onderskeid tussen God, Engele en gevalle engele. Na Bo

GOD - Ewig, Gees, Almagtig, Alwetend, Skepper en woon buite die grense van tyd.

Engele - Geskep deur God, Geestelike wesens, Beperkte vermoë, ⅔ van die geestelike wesens.

Gevalle Engele - Bose geeste, demone, onrein geeste, geestelike wesens,beperkte kennis, ⅓ van geestelike wesens.

5. Groepering van geestelike wesens. Na Bo

i. Migael, die Aartsengel – leier van geestelike oorlog. Dan 10:13&21”¹³maar die vors van die koninkryk van die Perse het een-en-twintig dae lank teenoor my gestaan, en kyk, Mígael, een van die vernaamste vorste, het gekom om my te help; en ék het daar oorgebly by die konings van Persië.” & “²¹Nogtans sal ek jou te kenne gee wat geskrywe is in die boek van die waarheid; en daar is nie een wat hom saam met my dapper gedra teen hulle nie, behalwe julle vors Mígael.”, 12:1, Openb. 12:7 “⁷En daar het oorlog in die hemel gekom: Mígael en sy engele het oorlog gevoer teen die draak, en die draak en sy engele het oorlog gevoer;”, 1 Thes 4:16” ¹⁶ Want die Here self sal van die hemel neerdaal met ’n geroep, met die stem van ’n aartsengel en met geklank van die basuin van God”

ii. Gabriël – Boodskapperengel. Dan 8:16 “¹⁶En ek het ’n mensestem gehoor uit die Ulai wat geroep en gesê het: Gabriël, laat hierdie een die gesig verstaan!”, 9:21-27 “, Luk 1:19,26,27 “¹⁹En die engel antwoord en sê vir hom: Ek is Gabriël wat voor God staan, en ek is gestuur om met jou te spreek en jou hierdie goeie tyding te bring.”

iii. Lucifer – Musiekleier (Reliëfwerk NV, kassies en groewe OV), mooiste van die engele, word Satan na sy val, hy is nie ‘n ewiglewende skepsel nie en self ook nie ‘n skepper nie. Eseg. 28:11-19 “Die woord van die Here het tot my gekom: ¹²“Mens, sing ’n treurlied oor die koning van Tirus. Sê vir hom: So sê die Here my God: Jy was ’n seël wat met sorg vervaardig is, ’n pragtige produk van volmaakte vakmanskap: ¹³jy is uitgebeeld in die godetuin Eden, omring deur kosbare edelstene: karneool, topaas, jaspis, chrisoliet, oniks, opaal, saffier, turkoois, smarag, en die reliëfwerk aan jou was van goud. So is jy gemaak die dag toe jy geskep is. ¹⁴Jy is uitgebeeld as die gerub wat met uitgestrekte vlerke moes waghou, Ek het jou die opdrag gegee. Jy was op die heilige godeberg, daar het jy rondgestap tussen glinsterende edelstene. ¹⁵Jou optrede was onbesproke vandat jy geskep is totdat jy begin onreg doen het. ¹⁶Jou uitgebreide handelsbedrywigheid het geweld deel van jou lewe gemaak en jou laat sondig. “Daarom het Ek jou verstoot van die godeberg af, Ek het jou, gerub wat moes waghou, tussen die glinsterende edelstene uit verwyder. ¹⁷Jou prag het jou hooghartig laat word, jou stralende glans het jou jou wysheid laat verloor. Ek het jou op die grond gegooi, jou daar voor ander konings laat lê dat hulle jou kon bekyk. ¹⁸“Met jou baie oortredings, met die onreg in jou handel, het jy jou heiligdomme ontwy. Daarom het Ek ’n vuur uit jou laat kom wat jou verteer het. Ek het jou ’n hopie as op die grond laat word voor die oë van almal wat toegekyk het. ¹⁹Almal onder die volke wat jou geken het, is skrikbevange oor wat met jou gebeur het. Jy het ’n afskrikmiddel vir ander geword, dit is vir altyd klaar met jou.”, Jes 14:12-17 “¹²Jy wat die helder môrester was, het uit jou hemel geval. Jy wat ’n oorwinnaar van nasies was, is in die grond in verpletter. ¹³En dit jy, jy wat gedink het: ek klim op hemel toe, ek gaan my troon neersit bokant die hoogste sterre, ek gaan my plek inneem op die berg waar die gode mekaar ontmoet, vêr in die noorde; ¹⁴ek klim op tot bokant die wolke, ek word soos die Allerhoogste self. ¹⁵Maar jy stort af in die doderyk, af tot in sy diepste deel. ¹⁶Dié wat jou daar sien, sal jou aangaap, hulle sal jou bekyk en vra: “Is dit die man wat die aarde laat bewe het, wat koninkryke laat wankel het, ¹⁷die man wat die wêreld onbewoon gemaak het en die stede vernietig het, die man wat sy gevangenes nie vrygelaat het om terug te gaan huis toe nie?”

6. Kan satan ons nog by God aankla soos vir Job 1:7? Na Bo

Nee, Openbaring 12:10 “⁷En daar het oorlog in die hemel gekom: Mígael en sy engele het oorlog gevoer teen die draak, en die draak en sy engele het oorlog gevoer; ⁸en hulle kon nie oorwin nie, en hulle plek was in die hemel nie meer te vinde nie. ⁹En die groot draak is neergewerp, die ou slang wat genoem word duiwel en Satan, wat die hele wêreld verlei, hy is neergewerp op die aarde, en sy engele is saam met hom neergewerp. ¹⁰Toe hoor ek ’n groot stem in die hemel sê: Nou het die heil en die krag en die koningskap die eiendom van onse God geword, en die mag van sy Christus; want die aanklaer van ons broeders is neergewerp, hy wat hulle aanklaag voor onse God, dag en nag.” sê dat hy is oorwin en uit die hemel uitgegooi.

Vrou = Israel

Sterre = Engele

Draak = Satan en gevalle engele.

Jesus het al reeds die satan begin oorwin deur sy geboorte, in die woestyn, aan die kruis en uiteindelik deur die oordeel.

7. Geestelike Oorlogvoering en Bevryding is ‘n Bybelse opdrag. Na Bo

Ef 6:10 “EINDELIK, my broeders, word kragtig in die Here en in die krag van sy sterkte.”

1 Pet 5:6-9 “⁶Verneder julle dan onder die kragtige hand van God, sodat Hy julle kan verhoog op die regte tyd. ⁷Werp al julle bekommernis op Hom, want Hy sorg vir julle. ⁸Wees nugter en waaksaam, want julle teëstander, die duiwel, loop rond soos ’n brullende leeu en soek wie hy kan verslind. ⁹Hom moet julle teëstaan, standvastig in die geloof, omdat julle weet dat dieselfde lyding opgelê word aan julle broederskap wat in die wêreld is.

Jak 4:7 “⁷Onderwerp julle dan aan God; weerstaan die duiwel, en hy sal van julle wegvlug.”

Rom 16:20 “²⁰En die God van vrede sal die Satan spoedig onder julle voete verbrysel. Die genade van onse Here Jesus Christus sy met julle! Amen.”

Matt 10:1&7 “10 EN Hy het sy twaalf dissipels na Hom geroep en aan hulle mag gegee oor onreine geeste, om hulle uit te dryf en om elke siekte en elke kwaal te genees.” & “ ⁷En gaan preek en sê: Die koninkryk van die hemele het naby gekom.”

Mark 1:39 “³⁹En Hy het die hele Galiléa deur in hulle sinagoges gepreek en die duiwels uitgedryf.”

Mark 3:15 “¹⁴En Hy het twaalf aangestel, sodat hulle saam met Hom kon wees en Hy hulle kon uitstuur om te preek ¹⁵en mag te hê om siektes te genees en die duiwels uit te dryf.”

Mark 16:17 “¹⁷En vir die wat geglo het, sal hierdie tekens volg: in my Naam sal hulle duiwels uitdryf, met nuwe tale sal hulle spreek,¹⁸slange sal hulle opneem; en as hulle iets dodeliks drink, sal dit hulle geen kwaad doen nie; op siekes sal hulle die hande lê, en hulle sal gesond word.”

Luk 9:1-2 “9 EN Hy het sy twaalf dissipels saamgeroep en aan hulle mag en gesag gegee oor al die duiwels en om siektes te genees.²En Hy het hulle uitgestuur om die koninkryk van God te verkondig en die siekes gesond te maak”

Luk 10:1&17-20 “¹⁷En die sewentig het met blydskap teruggekom en gesê: Here, ook die duiwels onderwerp hulle aan ons in u Naam. ¹⁸Toe sê Hy vir hulle: Ek het die Satan soos ’n bliksem uit die hemel sien val. ¹⁹Kyk, Ek gee aan julle die mag om op slange en skerpioene te trap, en oor al die krag van die vyand; en niks sal julle ooit skade doen nie. ²⁰Maar julle moenie daaroor bly wees dat die geeste aan julle onderworpe is nie, maar wees liewer bly dat julle name in die hemele opgeskrywe is.”

8. Wat is die doel van G.O. en Bevryding? Na Bo

Om dissipels te maak en hulle te leer, alles wat Jesus ons geleer het.

Matt 28:19 “¹⁹Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het.”

1 Tim 2:1-4 “³Want dit is goed en aangenaam voor God, ons Verlosser, ⁴wat wil hê dat alle mense gered word en tot kennis van die waarheid kom.”

Sodat hulle genesing in gees, siel en liggaam kan ontvang om sodoende ‘n oorvloedige lewe te kan lei en die sonde kan oorwin en sodoende die satan onttroon.

2 Kor 2:14 “¹⁴MAAR God sy dank wat ons altyd laat triomfeer in Christus en wat die reuk van sy kennis deur ons oral versprei.”

Kol 2:15 “¹⁴en die skuldbrief teen ons, wat met sy insettinge ons vyandig was, uitgedelg en weggeruim het deur dit aan die kruis vas te nael, ¹⁵nadat Hy die owerhede en magte uitgeklee en hulle in die openbaar ten toongestel en daardeur oor hulle getriomfeer het.”

Jesus het die bose ontwapen en kragteloos gestel, ons moet die oorwinning nou afdwing en Jesus se oordeel oor hulle vel. Ons dwing die bose om hulle aan Jesus te onderwerp.

9. Wie moet die bose oorwin en hulle na hul bestemming stuur? Na Bo

Ons, die wat God in gees en waarheid aanbid, is geregtig om die bose uit te dryf en mense vry te maak in die naam van Jesus (Namens Jesus)

Heb 2:14 “¹⁴Aangesien die kinders dan vlees en bloed deelagtig is, het Hy dit ook op dieselfde manier deelagtig geword, sodat Hy deur die dood hom tot niet kon maak wat mag oor die dood het - dit is die duiwel –“

1 Joh 3:8 “⁸Hy wat die sonde doen, is uit die duiwel, want die duiwel sondig van die begin af. Vir hierdie doel het die Seun van God verskyn, om die werke van die duiwel te verbreek.”

Rom 16:20 “²⁰En die God van vrede sal die Satan spoedig onder julle voete verbrysel. Die genade van onse Here Jesus Christus sy met julle! Amen.”

Luk 10:17-20 “¹⁹Kyk, Ek gee aan julle die mag om op slange en skerpioene te trap, en oor al die krag van die vyand; en niks sal julle ooit skade doen nie.”

10. Kan die demone ons skade aandoen as ons hulle uitdryf Na Bo

NEE!! Luk 10:17-20 “¹⁹Kyk, Ek gee aan julle die mag om op slange en skerpioene te trap en oor al die krag van die vyand; en niks sal julle ooit skade doen nie.”

11. G.O. en bevryding is ‘n stryd wat in die gees dimensie gewen moet word. Na Bo

Ef 6:12 “¹²Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.”

Matt. 12:28 & 29 “²⁸Maar as Ek deur die Gees van God die duiwels uitdryf, dan het die koninkryk van God by julle gekom.

²⁹Of hoe kan iemand in die huis van ’n sterk man ingaan en sy goed roof, as hy nie eers die sterk man geboei het nie? En dan sal hy sy huis beroof.”

2 Kor 10:3-5^“³Want hoewel ons in die vlees wandel, voer ons die stryd nie volgens die vlees nie;”

1 Pet 5:8 “⁸Wees nugter en waaksaam, want julle teëstander, die duiwel, loop rond soos ’n brullende leeu en soek wie hy kan verslind.”

Geestelike Oorlogvoering begin in die gees dimensie (deur gebed) en wanneer jy dit in die gees gewen het dan manifisteer dit in die fisiese dimensie. Ons wapens is nie vleeslik nie, maar geestelik daarom is dit belangrik om jou aan God se gesag en Sy Heilige Gees te onderwerp.

12. Geestelike wapens tot ons beskikking. Na Bo

Gebed:

Matt 26:41 “⁴¹Waak en bid, dat julle nie in versoeking kom nie. Die gees is wel gewillig, maar die vlees is swak.”

Mark 9:29 “²⁹En Hy sê vir hulle: Hierdie geslag kan deur niks anders uitgaan as deur gebed en vas nie.”

Vas:

Matt 17:21 “²¹Maar hierdie geslag gaan nie uit behalwe deur gebed en vas nie”

Hand 13:2-3 “En terwyl hulle besig was om die Here te dien en te vas, het die Heilige Gees gesê: Sonder nou Bárnabas en Saulus vir My af vir die werk waarvoor Ek hulle geroep het. ³En toe hulle gevas en gebid het en hulle die hande opgelê het, laat hulle hul gaan.”

Lof en Aanbidding:

Jy neem die vyand gevange deur lof- en aanbiddingsliedere aan God.

Ps. 149:6^“6Lofverheffinge van God is in hulle keel, en ’n tweesnydende swaard in hulle hand;”

2 Kron 20:22 “²²En op die oomblik toe hulle die gejubel en die lofsang aanhef, het die HERE ’n hinderlaag opgestel teen die kinders van Ammon, Moab en die mense van die gebergte Seïr wat teen Juda gekom het, sodat hulle verslaan is.”

Die WOORD van God:

Joh 8:31-32 “³¹En Jesus sê vir die Jode wat in Hom geglo het: As julle in my woord bly, is julle waarlik my dissipels.

³²En julle sal die waarheid ken, en die waarheid sal julle vrymaak.”

Jes 55:11 “¹¹so sal My woord wees wat uit my mond uitgaan: dit sal nie leeg na My terugkeer nie, maar doen wat My behaag en voorspoedig wees in alles waartoe Ek dit stuur.”

Heb 4:12 “¹²Want die woord van God is lewend en kragtig en skerper as enige tweesnydende swaard, en dring deur tot die skeiding van siel en gees en van gewrigte en murg, en is ’n beoordelaar van die oorlegginge en gedagtes van die hart.”

WOORD Belydenisse:

Openb. 12:11 “¹¹En hulle het hom oorwin deur die bloed van die Lam en deur die woord van hulle getuienis, en hulle het tot die dood toe hulle lewe nie liefgehad nie.”

Matt 16:19 “¹⁹En Ek sal jou die sleutels van die koninkryk van die hemele gee; en wat jy ook op die aarde mag bind, sal in die hemel gebonde wees, en wat jy ook op die aarde mag ontbind, sal in die hemel ontbonde wees.”

Rom 9:9-11

Bloed van Jesus:

Openb 12:11 “¹¹En hulle het hom oorwin deur die bloed van die Lam en deur die woord van hulle getuienis, en hulle het tot die dood toe hulle lewe nie liefgehad nie.”

Naam van Jesus:

Luk 10:16,17 “¹⁶Wie na julle luister, luister na My; en wie julle verwerp, verwerp My; en wie My verwerp, verwerp Hom wat My gestuur het.¹⁷En die sewentig het met blydskap teruggekom en gesê: Here, ook die duiwels onderwerp hulle aan ons in u Naam.

Joh 14:12-14 “¹²Voorwaar, voorwaar Ek sê vir julle, wie in My glo - die werke wat Ek doen, sal hy ook doen; en hy sal groter werke doen as dit, omdat Ek na my Vader gaan.¹³En wat julle ook al in my Naam mag vra, dit sal Ek doen, sodat die Vader in die Seun verheerlik kan word.¹⁴As julle iets in my Naam vra, sal Ek dit doen.”

Liefde:

1 Joh. 4:16 “¹⁶En ons het die liefde wat God tot ons het, leer ken en geglo. God is liefde; en hy wat in die liefde bly, bly in God, en God in hom.¹⁷Hierin het die liefde by ons volmaak geword, dat ons vrymoedigheid kan hê in die oordeelsdag; want soos Hy is, is ons ook in hierdie wêreld.¹⁸Daar is geen vrees in die liefde nie; maar die volmaakte liefde dryf die vrees buite, want die vrees sluit straf in, en hy wat vrees, het nie volmaak geword in die liefde nie.”

Blydskap en Vreugde:

Neh 8:11 “Wees dan nie bedroef nie, want die blydskap in die HERE - dit is julle beskutting.”

Engele:

Heb 1:14 “¹⁴Is hulle nie almal dienende geeste wat vir diens uitgestuur word ter wille van die wat die saligheid sal beërwe nie?”

Eenheid:

Hand 1:14 “¹⁴Hulle almal het eendragtig volhard in gebed en smeking, saam met ’n aantal vroue en Maria, die moeder van Jesus, en met sy broers.” 2:46 “⁴⁶En dag vir dag het hulle eendragtig volhard in die tempel en van huis tot huis brood gebreek en hulle voedsel met blydskap en eenvoudigheid van hart geniet,

Kommentaar of navrae kan gerig word aan:

fransn1@freemail.absa.co.za

Na Bo